***
Не хачу нікога бачыць,
Не хачу нікога чуць.
Толькі ў восені рыбачыць,
Пракладаць надзеі пуць:
Ратаваць душу радкамі,
Словы ў золаце лавіць,
З пажаўцелымі лісткамі
І з самім сабою быць.
Недзе ў далечы асенняй
Адзінокі кружыць птах,
Як і я - у задуменні,
І развейвае свой страх.
Не патрэбна мне няшчырасць,
Да яе - прыкутым быць.
Дараваў мне Божа міласць
Словы шчырыя лавіць.
А душы сваёй сумоту,
Мукі ўсе - перажыву
І з пяшчотай пазалоты
Я над імі праплыву.
Не хачу нікога бачыць,
Не хачу нікога чуць.
Можа, крок мой нешта значыць
І кароткай песні пуць?
Душ сугучча я не прагну.
Адзінокі ў небе птах...
Ён не зваліцца у багну
І не згубіцца ў палях.
Ён плыве у задуменні
Ўдаль за сіні небасхіл.
З адзінотаю асенняй
Плыць яму хапае сіл...
25. 09. 2023 г.
Не хачу нiкога бачыць...
© Copyright: Юрий Боровицкий, 2023
Свидетельство о публикации №123092504378
Свидетельство о публикации №123092504378
Рецензии
Але ж хочацца, каб пачулі: хай заўжды хапае сіл, і не абавязкова, каб у адзіноце!
З павагаю,
Мироненко Сергей Минск -1 25.09.2023 15:26 • Заявить о нарушении
З павагаю,
Мироненко Сергей Минск -1 25.09.2023 15:26 • Заявить о нарушении