***
Прыносіць радасць толькі праца
Душы - народжаны радок
Пра тое, як у даль імчацца
І дзень, і вецер, і лісток.
І што з таго, што не чытаюць?
Складаць радкі - такі твой лёс.
Лісты пад ветрам аблятаюць
З галоў засмучаных бяроз.
І не шукай добразычліўцаў
Сярод прыяцеляў, калег...
Глядзі, каб мог радок праліцца
Праз жарты іхнія і смех.
Пішы, каб ярка ён свяціўся,
Як жоўты вераснёвы гай,
І залацеў каб і маліўся
За твой добразычлівы край.
Лісты з бярозак аблятаюць,
Кладзецца золата ў пясок.
Нябёсы гэтак нараджаюць
Душы прасветлены радок.
18. 09. 2023 г.
Прыносiць радасць толькi праца...
© Copyright: Юрий Боровицкий, 2023
Свидетельство о публикации №123091803653
Свидетельство о публикации №123091803653
Рецензии