Над рэшткамi душы...

Юрий Боровицкий
***
            І крумкачы ля пераправы
            Крычаць над рэшткамі душы...
                Міхась Башлакоў

Над рэшткамі душы
Маёй святой Айчыны
Крычы, мой верш, крычы
Гаркотаю рабіны.

Айчына бы ў глушы,
Без асабістай думкі.
Над рэшткамі душы
Крумкач ужо закрумкаў.

Схілілася, маўчыць...
О, як мне адзінока!
Душа мая крычыць,
Ды толькі глуш навокал.

Нічога не прашу,
Пад ветрам не хілюся.
Дару сваю душу
Любімай Беларусі.

Над рэшткамі душы
Радок яшчэ раз крыкне:
Айчына - на мяжы,
Але яна - не знікне!

17. 09. 2023 г.


© Copyright: Юрий Боровицкий, 2023
Свидетельство о публикации №123091703542
Список читателей / Версия для печати / Разместить анонс / Заявить о нарушении
Другие произведения автора Юрий Боровицкий
Рецензии
Написать рецензию
Другие произведения автора Юрий Боровицкий