***
Падаюць долу арэхі
Рэхам нястомнай душы.
Ты не зважай на агрэхі,
Новую песню пішы.
Падаюць, падаюць долу.
Сыпле арэхавы дождж.
Коціцца, коціцца кола
Лёсу. Яго не трывож.
Падаюць долу арэхі
Рэхам пражытых гадоў.
Ты не шукай для пацехі
Сонцам з'асененых слоў.
Слоў залатых не патрэбна.
Верасень крочыць сухі.
Падае важкае срэбра
Долу, нібыта грахі.
11. 09. 2023 г.
Падаюць долу арэхi...
© Copyright: Юрий Боровицкий, 2023
Свидетельство о публикации №123091103467
Свидетельство о публикации №123091103467
Рецензии