***
Ва ўсім, ва ўсім расчараванне...
Міхась Башлакоў
Калі жыццё ідзе на спад,
Як шлях з гары, як лістапад,
Як промні сонца на змярканні,
Не адчувай расчаравання.
Усё ў жыцці тваім было:
Палёт, і неба, і крыло,
І шчасця роснае світанне.
Не адчувай расчаравання!
Яшчэ не раз табе прысніцца
Кахання яркая зарніца
З далёкіх непаўторных дзён
І слоў пяшчотных лёгкі звон.
Не адчувай расчаравання,
Калі яшчэ прыходзіць ранне,
І дзень ужо ідзе на спад,
І верасень прыйшоў у сад.
Ты застанешся ў гэтым ранні,
У гэтым сонечным світанні,
У жылах яблынек і груш,
У памяці прачулай душ.
10. 09. 2023 г.
Калi жыццё iдзе на спад...
© Copyright: Юрий Боровицкий, 2023
Свидетельство о публикации №123091003516
Свидетельство о публикации №123091003516
Рецензии