Ткъе итт шо

Дагахь а доцуш, хилла йезар гира, тахана,
Хоьттура цуо соьга, хьан маса шо кхаьчна,
Элира цуьнга ткъе итт шо дузура ду кхана,
Хьаьжира иза шеко б1аьргашна чукхаьчна.

Ва-х1ай-кх аьлла, боккъаленна цецйаьлла,
Итт шо хьалха ахь оццул бен дац ма-элира,
Хеттира цуо, ву аьлла со г1ехьа галваьлла,
Хьан дахаран йорт иштта муха лаг1йелира?

Х1ан-х1а, дагарда-м хаъ суна, дукха ч1ог1а,
Элира ас, иза йуьха а ахь хьедеш, вац реза,
Итт шо хьалха, ткъе итт ду алар а, дагдог1а,
Алахь, къонахчунна дош цхаъ хила ца деза?

Дуьне мел хийцадаларха, хьо вац хийцалуш,
Олуш д1айелайелира т1аккха иза г1адйахна,
Дохко йаьлла сом итт шо хьалха хаза йолуш,
Ойланза куралла йина хьоьга маре ца йахна.

Д1адахнарг духа ца дерза  мел дарха дехара,
Элира ас, дукха хан йуь со цуьнца къаьстина,
Ирс дайна шира безам, эрна  ду йуьхабехара,
Догдалар дан мега йуьха б1аьрхиш даьстина.

Сингаттаме хила хьашт дац дахар д1аидарха,
Тайп-тайпана башхаллаш йуь-кх х1ора ханна,
Замано шеца  меллаша сатийсамаш бах1арха,
Хьекъалалла кховдайо  бехказлонан заг1анна! (С) 07.09.23.