***
Хмарыцца неба. І лета сцякае
У забыццё. А я ледзь паспяваю
Радком зачапіцца за цёплае лета.
Лета прайшло. Яго песенька спета.
Не паспяваю абдумаць, запомніць
Дні майго лета і жоўтую поўню -
Апошнюю поўню імгненнага лета.
Круціцца хуткай вавёркай планета!
Не паспяваю. Душа не даспела.
Сумную песню пра лета прапела.
Восенню, можа, радком зачаплюся
За нешта з дрымотнага лета. Здзіўлюся:
Ва ўсе да адзінай кароткія ночы
Побач былі твае светлыя вочы.
31. 08. 2023 г.
Хмарыцца неба. I лета сцякае...
© Copyright: Юрий Боровицкий, 2023
Свидетельство о публикации №123083103721
Свидетельство о публикации №123083103721
Рецензии