Гiсторыя Беларусi працяг 16

ГОРАД ВIЦЕБСК

На берагах Дзвiны Заходняй,
Дзе прымыкае рэчка Вiцьба,
Рукой пабудаваны  шчодрай
Прыгожы, слаўны горад Вiцебск.

У век дзесяты –  заснаванне,
А век шаснаццаты – шчаслiвы:
Даў права самакiравання,
Лёс павярнуўся з той гадзiны.

Жыў горад па сваiх законах –
Сам гаспадар у наваколлi.
На землях спадчыны бацькоўскай
Хранiў свой герб i солад волi.

Прыгожы шчыт, блакiтны, мiлы,
Абраз, Хрыста на гербе профiль
Ды меч, як сiмвал Духа, сiлы
У катушы барочнай формы.

Булат, як срэбра, ручка ў злаце,
Знак правасуддзя i геройства,
Анёлаў з лентамi на шчасце
Ды Херувiма – шчытаносца.

Вянок лаўровы ўнiзе герба,
Трыумфа, перамогi сiмвал.
Лазурак – знак вялiчча з верай,
Што адшукаюць шлях шчаслiвы.

Глядзiць назад клiнок славуты,
На ворага направiў сiлу,
Каб прыпыняць, не даць адчуцi
Iм моц ды зруйнаваць Радзiму.

Сучасны герб –  адлюстраванне
Падзей i мужнасцi народнай.
Працяг жыцця, яго свiтання,
Герояў, сэрцам краю годных.