На зветраных шляхах...

***
            Стаю на зветраных шляхах...
                Міхась Башлакоў

На зветраных шляхах
Пагоркі звечарэлыя.
А над шляхамі птах -
І крылы яго белыя.

Няхай агорне птах
Зямельку маю крыламі,
І зветраны мой шлях,
І могілкі з магіламі.

Няхай агорне птах
Пагоркі звечарэлыя,
І мой нялёгкі шлях,
І нівы загарэлыя.

Няхай агорне птах
З'асененыя пожні,
Мой небясконцы шлях
І крок на ім - апошні.

28. 08. 2023 г.


Рецензии