***
Чым я так прывязаны да дома?
Агародам, садам? Ты маўчыш.
Мне таксама гэта невядома,
Толькі стома, толькі гэта ціш.
Лёсам я прывязаны да дома,
Як узгорак з купкаю асін.
Вось адкуль і вершаў маіх стома
Ў кроснах верасовых павуцін.
А куды пайсці? Хіба за ўзгорак,
Дзе другія ўзгоркі на віду.
Не напружвай зрок, там толькі морак,
Праз які у восень я брыду.
Чым мы так прывязаны да дома?
Лёсам - я, а ты, магчыма, мной.
Нам з табой усё даўно знаёма,
Што было і будзе пад гарой...
28. 08. 2023 г.
Чым я так прывязаны да дома...
© Copyright: Юрий Боровицкий, 2023
Свидетельство о публикации №123082803132
Свидетельство о публикации №123082803132
Рецензии