Гьар са касдиз чирдай таъсиб,
Марифатдин я вун сагьиб,
Илимра вун жезва гъалиб,
Гуьне патан ч1алан алим.
Вафалу я вун адетриз,
Чи бубайрин пак девлетриз,
Акьул гузва чи веледриз,
Тадач садав гьич къелетриз.
Ваз хайи югъ мубаракрай,
Ви камал, деб табаракрай,
Ви гьуьндуьрар саламатрай,
Куьредин бег я Шайдабег.
Авачт1ани хуьре патав,
Гьиссзава за гвайди къвалав.
На илимдиз гузва къилав,
Чи Куьредин бег Шайдабег.
Виш йис къейддай сагъвал гурай,
Ви патавни дустар хьурай.
Багъриярни шаддиз хьурай,
Чи Куьредин бег Шайдабег!
28.08.2023.
Шайдабегаз
© Copyright: Нажмудин Шихнабиев 2, 2023
Свидетельство о публикации №123082801914
Свидетельство о публикации №123082801914
Рецензии