***
Жоўтыя кветкі гараць каля плота,
Сумная восень паўзе на сады.
І ў агародзе, і ў сэрцы - турбота,
І на сцяжынках - лісточкі-сляды.
Восені першыя крокі нясмелыя,
Крокі ў тумане. І цёпла яшчэ.
І матылькі над палеткамі белыя,
Нібы душа майго жніўня цячэ.
Ды не ўцячэ ад туманнае восені,
Што непазбежна паўзе на сады.
І у высокай задымленай просіні
Шэрых аблокаў плывуць гарады...
Жоўтыя кветкі гараць каля плота,
Восень у жоўтым паўзе на сады.
І на душы, і на сэрцы - сумота,
І на сцяжынках - сумоты сляды.
27. 08. 2023 г.
Жоутыя кветкi гараць каля плота...
© Copyright: Юрий Боровицкий, 2023
Свидетельство о публикации №123082703212
Свидетельство о публикации №123082703212
Рецензии