Чэрвеньскі празрысты вечар,
Сонейка сядае.
Салавейка дзесь шчабеча
Любую шукае.
Люстра возера застыла
Ў золаце чырвоным.
Вярба косы распусціла,
Як шацёр зялёны.
Шум вады ад вадаспаду
Словы заглушае
У шацёр вярбы наяду
Хлопец зазывае.
Абяцае даць каралі,
Пацеркі, маністы,
Каб яны у хвалях ззялі
Агмянём ігрыстым.
Прапануе светлякамі
Упрыгожыць косы,
Каб зіхцелі маякамі
Ці ў раніцу росы.
Каб вада вясёлкай грала,
Як узыйдзе сонца
І хлапчыну б цалавала
Горача бясконца!
Абяцанкі ды дамовы
Летнія сустрэчы.
Кветкамі пачуццяў словы
Расцвіталі ўвечар!
У вярбовым шатры
© Copyright: Станислав Шастак, 2023
Свидетельство о публикации №123082407204
Свидетельство о публикации №123082407204
Рецензии