***
Яшчэ будзе доўжыцца доўга
Акопнай бяды мітусня.
Пагразне у слоце дарога
Асенняя, прыйдзе вясна,
А гора ўсё доўжыцца будзе,
Крывавы працягнецца след.
І доўга яго не забудзе
Наш грэшны, бяспамятны свет.
Яшчэ будзе доўжыцца доўга
Пяшчота асенніх дзянькоў
І крыламі слацца дарога
Забітых на ёй матылькоў.
Яшчэ будзе доўжыцца доўга
Праз слоту дарога дамоў
І ліцца мальбою да Бога
Сыноў пакаянная кроў.
22. 08. 2023 г.
Яшчэ будзе доужыцца доуга...
© Copyright: Юрий Боровицкий, 2023
Свидетельство о публикации №123082203488
Свидетельство о публикации №123082203488
Рецензии