***
Імглісты дзень, звычайны дзень. Працую,
Чытаю, выпраўляю і пішу,
Каб не пражыць яго мне упустую,
Не замаркоціць грэшную душу.
Жыву, як вы: маўчу і спачуваю
Сабе і ўсім, каму нялёгка жыць.
Як на асіне, што ля лесу з краю,
Душа самотным лісцікам дрыжыць.
Жыццё бяжыць і прабягае міма.
Якое ёсць, яго не супыніць.
Жыву, як вы і як мая Радзіма,
Якую мне нічым не замяніць.
Паэтам быць нікому не жадаю:
За лёс Айчыны так душа баліць!
Як ліст асіны, што ля лесу з краю,
Яна дрыжыць, як ветрык набяжыць.
20. 08. 2023 г.
Iмглiсты дзень, звычайны дзень. Працую...
© Copyright: Юрий Боровицкий, 2023
Свидетельство о публикации №123082003042
Свидетельство о публикации №123082003042
Рецензии