З калючых гушчароў –
Апёку стыць бясконца! –
Да родных бальшакоў
Мы знойдзем шлях па сонцы!
І з цемры неспадзеў
Да светлай каляіны
Нас выведзе твой спеў,
Жаўронак звонкакрылы!
І стане на душы
Зноў лёгка і пявуча.
Да сэрца, спарышы,
Гаіце неўміруча!
Шаўковай муравоў
Зім мёрзласць зарастае.
Да любых бальшакоў
Шлях сонечны вяртае.
З калючых гушчароу
© Copyright: Алёна Папко, 2023
Свидетельство о публикации №123081800132
Свидетельство о публикации №123081800132
Рецензии