***

ЧЕШНЕ  ХЬУЙ  ВАХЪ

Хк1атна твах тухур уьмуьр:               
Гуьнгуьна тур гьар са к1валах.
Жезвайдия  нукьсан, уьзуьр,..               
Абур т1имилризни алахъ!

Сад хьтинбур жедач вири:               
Жеда кьегьал, жеда дугъри,               
Жеда тапрукь, жеда шеври,..               
Абрун къилихрал хьухь ч1алахъ.

Чир хьун, къени т1ул квай инсан,
Вахъни хьун я агьвал хъсан .               
Рафтарвал вич гьал я масан,               
Дуьзвал садран хьанач нагьахъ!

Тафаватдиз гуз хьухь фикир,-
Алцур тахьуй гьалдин эхир.
Айибвал туш чир хьун пехир,
Гьамиша хьухь жув тирди гьахъ!.               

Аквазвай кьванд я гьакъикъат,
Хата квайдак  жемир агат,
Кьве рик1ин хьун гьал туш бубат,
Кар дуьзди, я жеда патахъ.

Сад жув патал мийир хийир…
Зияндикай айа фикир,
Эвел квачирдак жеч эхир,
Кеспидив гва уьмуьрдин бахт.

Ватан я кьван къулай чка: 
Адан чилер пак ва багьа!      
Ак1адармир жуван ака,      
Вафалувал рик1ивай яхъ.               
 
Чим тагудай жедай туш къул,
Чешме авахьдай туш рагъул,
Садра ганвай, тушир сугъул,
Уьмуьрдив гва гатфар, гад, зул,..
Хкат1на твах, чешне хьуй вахъ!