Дзякуй, бацькоўская хата,
Што цёпла было мне з табой,
Што я тут расла, прыўзнята
Ляцела на стрэчу з вясной.
Дзякуй, што ты сагравала
Ў зімовыя сцюжы мяне.
Разам са мной гаравала,
Захоўвала ўсмешкі мае.
За дабрыню і натхненне,
За яблычны пах пірагоў.
Што навучыла цярпенню,
Што шчодрай была на любоў.
Дзякуй, што ты сустракала
Заўсёды з далёкіх дарог,
Матчынай песняй вітала
І шквал адганяла трывог.
Шчыра прабач, што з табою
Пара развітацца прыйшла.
Суджана воляй зямною.
Зацята пячэ цішыня.
Пазбаўленыя адзінства
Не гоняць дажджы са двара.
... Прыві;ды майго дзяцінства
І хата, якой больш няма.
Дзякуй, бацькоуская хата
© Copyright: Алёна Папко, 2023
Свидетельство о публикации №123080706125
Свидетельство о публикации №123080706125
Рецензии