***
Шэсць. Хутка прыйдуць каровы.
Трэба вады нанасіць
І дарубаць тыя дровы,
Бульбы сабе наварыць.
Мама шчэ недзе ў гародзе.
Вунь і кароўка ідзе.
Пыл па вясковай дарозе
З пахам малочным паўзе.
Можа, пазваць ужо маці?
Рабка сама пазаве!
Трэба ж хоць трохі сабраць мне
Яблычкаў Рабцы ў траве...
Мама падоіць кароўку.
Коцік на ганку сядзіць,
П'е малачко ён і зноўку
Йдзе сваіх мышак лавіць.
Сядзем з матуляй вячэраць:
Бульба, цыбуля, гуркі,
Сала з каморы... І вераць
Нашай вячэры радкі.
07. 08. 2023 г.
Шэсць. Хутка прыйдуць каровы...
© Copyright: Юрий Боровицкий, 2023
Свидетельство о публикации №123080705427
Свидетельство о публикации №123080705427
Рецензии