РАНІЦА
Зноўку раніца прыбрала
Ўсё бліскучаю расою.
Гэта дываны саткала
Сонца ніткай залатою.
Заспявалі жаваронкі,
Шмат салістаў у тым хоры.
Славяць родную старонку,
Яе нівы і дубровы.
З белых хмарак выцінанкі
Ладзіць вецер на вакенца,
Прыгажуня рэчка зранку
У туманавай сукенцы.
Водар любае Айчыны,
Хай, як лекі, льецца ў грудзі,
І з нябёсаў спеў птушыны
Хай гучать заўсёды будзе.
***
© Copyright: Галина Смок, 2023
Свидетельство о публикации №123080106757
Свидетельство о публикации №123080106757
Рецензии