Чуьйнан экъа

Хьалха суо  санна майра, цхьа а вац моьттуш,
Массарна а туг1уш-1уттуш хилар вуон лелаш,
Зударий а кхуьллуш, царна  т1е мохь боьттуш,
Хинса санна кадениг  лоьхуш сайна, меллаша.

Диъ шарахь ас кертара йиъ зуда д1аэккхийра,
Пхоьалг1а зуда йалийча, кхоалг1а суьйранна,
Чорпа шийла йуь аьлла, луьра дов даьккхира,
Корта к1елкхечира йоккхачу чуьйнан экъанна.

Горгали а бекабеш ч1ог1а б1агор т1елестира,
Цхьажимма кхетам чу веъча эша эхь а хеташ,
Йахь д1а ца луш саьрмакца ма хуьллу летира,
Толам баьлча араластийра иза мийра бетташ.

Сатосуш корах д1ахьаьжча луо дара диллина,
Куьзгане х1оьттича, узар дира, вай-вай бохуш,
Хьаьж т1е буйналла буьччалг йар т1ейиллина,
1аждарго гуо лаьцна, б1аьрг бара г1о доьхуш.

Ирча болх хилла воьхна  тапп аьлла д1атийна,
Не1 йиллича сайн зуда гира лай тьаьхь йехаш,
Хаьттира цуо йолхуш б1аьрхиш д1аъластийна,
Со тахана йитахьа хира вуй-те хьо ирсе вехаш?

Г1орийнчу  зудчуха къахетта, хьаг1 д1атеттира,
Х1ан-х1а, иштта сан амалца товш зуда лоьхуш,
Дукха хан ма йуь аьлла, иза  х1усаме чутеттира,
Дехар ду вай-м  бертахь сихалла д1а а лоьхкуш.

Сайн зудчунца машарийн йукъаметтиг нисйина,
Цунна  дов дан дагдеъча, б1агор  хьовза болало,
Чуьйнан экъано коьртан, тамашена  дарба дина,
Амма наггахь  бахьана ца хилча а къежа волало! (С) 29.07.23.