***
Якое неба чыстае над хатай!
Аблокаў белых лебядзіны пух
Плыве так ціха, быццам вінавата,
Што аж займае веліччу мой дух!
А паміж мной і небам птах крылаты:
Маёй душы і існасць, і святло.
Якое неба чыстае над хатай,
Нібы душою вымытае шкло!
Як за грахі такая ж вось расплата
Надыдзе нечаканаю парой,
Дык рады буду я, каб быць распятым
Пад небам Беларусі дарагой.
28. 07. 2023 г.
Якое неба чыстае над хатай...
© Copyright: Юрий Боровицкий, 2023
Свидетельство о публикации №123072803445
Свидетельство о публикации №123072803445
Рецензии