Куьчедай хтай аялди
Темен гузва дидедиз.
Дидедин шад хиялди
Лезет гузва веледдиз.
Буба ава дидарда
Кьисметдин гьар аялдин.
Намус, виждан квай гьар сада
Лезет гуда хизандиз.
К1анибуру ашкъидин
Пайзавалда ялавар.
Уьмуьрдин хуш гьакъидин
Лезет тушни гьалавар!
Кьегьалвални азадвал
Лезет я гьар лезгидиз.
Халкьдин битав тир садвал-
Лезет я гьар лезгидиз.
Халкьдин камаллу шаир,
Арифдарар тир загьир
Рик1е хьун чи магьир-
Лезет я гьар лезгидиз.
26.07.2023.
Лезет
© Copyright: Нажмудин Шихнабиев 2, 2023
Свидетельство о публикации №123072601292
Свидетельство о публикации №123072601292
Рецензии