***
Ці будзе дождж?.. Хістае вецер сад.
Народзіць неба сёння навальніцу?
Я быў бы вельмі ёй, агністай, рад -
Радка майго надзейнае крыніцы.
А зараз ён вагаецца, як сад
Гайдаецца ў чаканні навальніцы.
І замірае ў сэрцы вершапад
Без бурнае і свежае вадзіцы.
Народзіць неба сёння новы верш?
Як не народзіць, значыць, і не трэба.
Памолішся і ціха уздыхнеш,
І паглядзіш на ліпеньскае неба...
25. 07. 2023 г.
Цi будзе дождж?.. Хiстае вецер сад...
© Copyright: Юрий Боровицкий, 2023
Свидетельство о публикации №123072503785
Свидетельство о публикации №123072503785
Рецензии