Сулейман хьиз, устад маса шаир жеч,
Къад астдин Гомер лугьур тIвар къачур.
Я Эмин хьиз, шииратдин магьир жеч,
Жавагьирар кхьиз къелем-чар къачур!
Халис шаир пайгъамбардив барабар
Гьисабзава, гекъигун заз гунагь яз.
Диндин рекьяй устадар я арабар,
Чилер, цавар халкь авур кас Аллагь яз!
Гегьенш цавухъ, и кьил, а кьил авачир,
Гьи кьадардин девлет ава гъетерин?
Им Алем я, чаз ухшар чил авачир,
Кьил акъудиз жен тийидай сирерин.
Чан алай кьван туьретмишна инсанар,
Вирибурун тIварар кьун, квез герек я?
Диде тир Чил, кIусни квачир нукьсанар,
Алад-велед: дишегьлини эркек я.
ГьакI жуван кьил тIар ийимир, Сажидин,
А крарай четин я кьил акъудун.
Кьадар чир хьухь шииратдин харжидин,
Мумкин кар я, сада вавай къакъудун.
Рикiяй фейи хиялар
© Copyright: Сажидин Саидгасанов 4, 2023
Свидетельство о публикации №123072006565
Свидетельство о публикации №123072006565
Рецензии