***
Лета як лета, звычайнае лета.
Аблокі плывуць, і шавеліцца сад.
Сэрца маё толькі тым і сагрэта,
Што не губляе лірычны свой лад.
Мірны, нявінны лунае над садам
Дзень між аблокаў, як вольны арол.
Тыя аблокі дэсантным атрадам
Ціха плывуць, каб упасці на дол
Дожджыкам цёплым за лесам высокім
І наталіць боль і смагу зямлі...
Толькі камусьці здаецца далёкім
Чыстае неба, ў якім жураўлі.
10. 07. 2023 г.
Лета як лета, звычайнае лета...
© Copyright: Юрий Боровицкий, 2023
Свидетельство о публикации №123071003313
Свидетельство о публикации №123071003313
Рецензии