Зун гар хьана къекъвезава,
К1ани ярдиз эверзава,
Рам авуна рекьер-хуьлер,
Капалайиз лезги хуьрер.
Акуна заз гуьрчег рушар,
Беневшайриз чеб тир ухшар,
Анжах рик1е гьатна суна,
Ашкъидин ц1ай рик1е туна.
Заз жагъана зи к1аниди,
Гьар са хиял тир къениди,
Гуьрчегвилин авач кьадар,
Гьа и руш я зи к1ани яр.
Муьгьуьббатдай ац1ана рик1,
Бахт атана зи к1вализ ик1.
Мержан хьтин яр жагъана,
Зи кьисмет тир яр жагъана.
27.06.2023.
К1аниди жагъурзава
© Copyright: Нажмудин Шихнабиев 2, 2023
Свидетельство о публикации №123062700122
Свидетельство о публикации №123062700122
Рецензии