***
Пад гарою сад мой і бярозак купка,
На пагорку сосны мажныя жывуць.
І буркуе ў лесе белая галубка,
І на ўзлеску кветкі сінія цвітуць.
Не плывуць аблокі, а стаяць над лесам.
Я стаю таксама, у блакіт гляджу.
І дрыжаць асінкі ліставым жалезам,
І з лісцём асінак я і сам дрыжу.
Пад гарою сад мой і мая зямелька.
Не шукаю сэрцам іншае зямлі.
Беларусь - і лёс мой, і пятля, і пелька,
І аблокаў шэрыя ў небе жураўлі.
23. 06. 2023 г.
Пад гарою сад мой i бярозак купка...
© Copyright: Юрий Боровицкий, 2023
Свидетельство о публикации №123062303745
Свидетельство о публикации №123062303745
Рецензии