* * *
айгьам
Агь, зи хиял, гьатна рикIе,
Фикир ийида вуна "дад" квай,
Шалвардикай, жибин пине,
"Жинс" лугьудай, чIехи ад квай.
Ам алукIна аквазва заз,
Эркекдални, дишидални.
Шалвар таквар, ван-сес текъвер
Буьркьуьдални, бишидални.
Вуч сейли я виридаз ам!
Парчадикай тир ших хьтин.
ЯцIубур хупI кьадай тIарам,
Яхунбуруз дар-сих хьтин.
Гадаяр ава чIарар бачIах,
Жинс-шалвардин метIер къазун,
Вич кьурумсах, ахъа къурсах,
Саилдиз ухшар тир акун.
Ахьтин жинсар жеда чпел,
Мусибат я регъуь тахьун!..
Гьелбетда, рушарал гуьзел,
Низ герек я ахьтин акун?
Бязи инсанри, медени,
АлукIда кар-кеспидик кваз.
Ахьтинбурук зун гьелени
Ама, стIуни синих такваз.
Амма куьне айибмир зун,
Квач зи лугьуз, "жинсдик" таваз.
Галифе шалвар, гьайиф кьитI хьун,
АлукIдай чекмедихъ галаз.
1998 й
***
© Copyright: Фикрет Хидиров, 2023
Свидетельство о публикации №123061706740
Свидетельство о публикации №123061706740
Рецензии