Кьил эцигна зи мет1ел ксус,
Магьидин регъ къачуда за,
Эвяда киф жедалди суст,
Ваз ахварар ширинда за.
Къуй ахварар ширин атуй,
Гъилив вердиш к1ел хьтин яр.
Ваз ахварай тек зун акуй,
Ч1емерукдин хьел хьтин яр.
Ваз лайлаяр яда ширин,
Аквайдайвал ахвар секин,
Гьар са ахвар хурай дерин,
П1узарраллаз ви хъвер эркин.
Ксус зи яр, ксус зи яр,
Атурай ваз ширин ахвар,
За лугьузва ваз лайлаяр,
Пака къведа хъсан хабар.
11.06.2023.
02 ч. 20 мин.
Ксус чан
© Copyright: Нажмудин Шихнабиев 2, 2023
Свидетельство о публикации №123061100662
Свидетельство о публикации №123061100662
Рецензии