Песнь 34

Го'споди, ору'жие и щит приими',
и в по'мощь мою' воста'ни,
суди' мя оби'дящыя,
и борю'щыя мя побори'.
         
Бо'же мой, мечь изсу'ни,               
и сопроти'в мя гоня'щих заключи'.
Да постыдя'тся и вспять возвратя'тся
ми зла'я мы'слящии,
да постыдя'тся и посра'мятся
ду'шу мою' и'щущии.

Да бу'дут я'ко прах пред лице'м ве'тра,
и А'нгел Госпо'день их погоня'яй.
Да бу'дет путь их по'лзок и тма,
и А'нгел Госпо'день их оскорбля'я.

Воста'вше на мя свиде'теле непра'веднии,
я'же не ве'дях, вопроша'ху мя.
Возда'ша ми воз лука'вая блага'я,
и мое'й души' безча'дие.

Душа' же моя' о Го'споде возра'дуется,
возвесели'тся о Его' спасе'нии,
реку'т моя' ко'сти вся:
Го'споди, кто' подо'бен Тебе', Го'споди.

Избавля'яй ни'ща
из кре'пльших eго' руки',
и ни'ща, и убо'га
от расхища'ющих eго'.

Аз же, облача'хся во вре'тище,
внегда' они' ми стужа'ху,
и моли'тва моя' возврати'тся в не'дро мое',
и смиря'х посто'м мою' ду'шу.

Та'ко угожда'х, я'ко пла'ча и се'туя,
Я'ко бли'жнему, я'ко бра'ту на'шему,
та'ко смиря'хся.

И на мя возвесели'шася и собра'шася:
собра'шася на мя ра'ны,
и не позна'х, раздели'шася, и не умили'шася.

Поскрежета'ша на мя свои'ми зубы',
Искуси'ша мя, подражне'нием подражни'ша мя.
Го'споди, когда' у'зриши?
Рцы мое'й души':
Аз есмь твое' спасе'ние.

Го'споди, Испове'мся Тебе' в це'ркви мно'зе,
в лю'дех тя'жцех восхвалю' Тя.

Очи'ма помиза'ющии
и ненави'дящии ту'не мя,
непра'ведно вражду'ющии ми
о мне да не возра'дуются.

всу'е поноси'ша мое'й души'
ту'не скры'ша ми се'ти своея' па'губу,
я'ко лови'тва, ю'же скры, да объи'мет и'
сеть, ю'же не весть да прии'дет eму',         
и да впаде'т в сеть в ню.

Я'ко мне у'бо глаго'лаху ми'рная   
и на гнев помышля'ху ле'сти.
Разшири'ша на мя уста' своя', ре'ша:
бла'гоже, бла'гоже, ви'деша о'чи.

Ви'дел еси', Го'споди, да не премолчи'ши.
Го'споди, от мене' не отступи'.
Воста'ни, и вонми' моему' суду', на мою' прю.               
Го'споди мой, от их злоде'йства устро'й ду'шу мою',
от лев мою' единоро'дную.

Суди' ми, Го'споди, по Твое'й пра'вде,
Бо'же мой, и да не возра'дуются о мне.
Да не реку'т в своих сердца'х:
на'шей души' бла'гоже, бла'гоже,
пожро'хом eго', реку'т да ниже'.

Злом мои'м ра'дующиися,
да постыдя'тся и посра'мятся вку'пе
и велере'чующии на мя в студ и срам да облеку'тся.

Да возра'дуются и возвеселя'тся
хотя'щии ми'ра Его' рабу'
и хотя'щии пра'вды моея',
да реку'т вы'ну:
Госпо'дь да возвели'чится.

Го'споди, язы'к мой поучи'тся Твое'й пра'вде,
и весь день Твое'й хвале'.