Песнь 91

Бла'го есть Го'сподеви испове'датися,
ми'лость Твою' возвеща'ти зау'тра
и на нощь вся'ку - Твою' и'стину.
 
И пе'ти, Вы'шний, и'мени Твоему',
в гу'слех с пе'снию,
в десятостру'ннем псалти'ри,
и возра'дуюся в де'лех руку' Твое'ю,

я'ко мя возвесели'л еси',
Го'споди, в Твое'м творе'нии,
я'ко возвели'чишася дела' Твоя',         
зело' углуби'шася Твоя' помышле'ния.

Муж безу'мен не позна'ет,
и не разуме'ет неразуми'в сих,
внегда' потребя'тся в век ве'ка
гре'шницы, прозябо'ша я'ко трава',
и пронико'ша беззако'ние вси де'лающии.            
 
Ты же, Го'споди, во век Вы'шний,
я'ко врази' се Твои',
поги'бнут Го'споди,
я'ко врази' Твои' се,
вси разы'дутся де'лающии беззако'ние.      

И да вознесе'тся мой рог я'ко единоро'га,
и услы'шит у'хо мое',
востаю'щыя на мя лука'внующыя,
и на моя' враги' о'ко мое' воззре',
и ста'рость моя' я'ко в еле'и масти'те.
 
Пра'ведник я'ко фи'никс процвете'т,
умно'жится я'ко кедр и'же в Лива'не,
насажде'ни в Госпо'дни дому',
во дво'рех Бо'га на'шего процвету'т,

и благоприе'млюще бу'дут,
и еще' умно'жатся в масти'те ста'рости,
да возвестя'т, я'ко прав Госпо'дь Бог наш, Го'споди,
и непра'вды в Нем несть.