Шеран заманаш къийсалуш, д1асакъаьста,
Шаьш-шайна, ма-оьшшу, басараш харжош,
Гурахь мокха, 1ай к1айн баьццара б1аьста,
Аьхка тамехьа бес-бесара аматаш даржош.
Воккха а веш муьлхха а хенан амал т1еоьцу,
Аьхка, стела1одан гаьнгали ойлане лестабо,
1ай лайн чимаш самукъане к1еда схьалоьцу,
Б1аьста йочанна, гурахь дог1анаш хьестадо.
Самаваьлча сатосуш бух1а г1айг1ане уг1уш,
Когаш1уьйра уьдуш, 1уьйренан тхиш легадо,
Зазадаьккхинчу бешахь, шоршале ладуг1уш,
Болучу маьлхан з1енаре деши дагчу дегадо.
Мел сиха хиларх, ц1еххьана акъваьлла соцу,
Комаьрша малх чубузуш к1орда ца до хьежа,
Буса детиха бутт гича, куьг стигал хьалалоцу,
Маршалла ду хьоьга олуш, цунна велакъежа! (С) 24.05.23.
Шеран заманаш
© Copyright: Муса Вольф Айдамиров, 2023
Свидетельство о публикации №123052407905
Свидетельство о публикации №123052407905
Рецензии