Вач1ацо дир Эмен аск1ов к1усизе,
Сордо т1аде щолеб замана бугин,
Вач1ацо к1удияв цоцай чучизе,
Чарлъараб г1умруялъ рух1 свакан бугин.
Яч1ацо дир эбел ургъел бикьизе,
Бакъ г1адин гьаб г1умро щинк1улеб бугин,
Яч1ацо х1асратай, х1ал хвараб рек1ей
Рук1арал къоязул дагьаб бицине.
Хиралъи бич1ч1ич1ел, унти лъаларел
Унругел саназухъ ч1алг1ун ругиш нуж?
Дирго г1адин бугиш керен бух1улеб,
Кире арал лъач1ел саназда хадуб?
Гордохъан реч1ч1улеб бакъ к1очон бугин,
К1усицо дунгун нуж ургъел бикьизе,
Бук1араб лъимерлъи лъарацаги ун,
Угьдулеб рек1еца нужехъ ц1ан вугин.
Родителям посвящается
© Copyright: Адам Дагчеч, 2023
Свидетельство о публикации №123052307100
Свидетельство о публикации №123052307100
Рецензии