Хадкьдин сиве-меце хьайи,
Агалкьунралд вине хьайи,
Агъа-Ст1алар бине хьайи,
Шаир хьана вун, Сажидин.
Манийрин вахъ ава ч1алар,
Аялриз на бахшна махар,
Чап авур "Алмаздин к1усар",
Машгьурна вун на ,Сажидин.
Шиират ви диде хьана,
Прозани ви амле хьана,
Театрдин сегьне хьана,
Илифдай к1вал ваз, Сажидин.
Акьах тавур хьанач тепе,
Халкь паталди хьана рекье,
Намусдал гьич гъанач леке,
Илгьамдин лув я, Сажидин.
Дустни душман авачирди,
Са як1ун к1ус я, Сажидин,
Вун хьитин дуст авачирди,
Вил галаз суст я, Сажидин.
Сулейманан багъдин емиш,
Кьисмет хьуй ваз яшар са виш,
Ч1аларин я устад вердиш,
Халкьдин шаир я Сажидин.
Шадзава къе ви межлисда,
Куьредин билбил Нажмудин,
Са туьнт макьамдал илигна,
Ша кьуьл ийин, ша Сажидин.
Халкьдин шаир Сажидиназ
© Copyright: Нажмудин Шихнабиев 2, 2023
Свидетельство о публикации №123052204728
Свидетельство о публикации №123052204728
Рецензии