Милайимдиз рахадай зав,
Зи к1ани яр туширни вун,
Къекъвезва вахъ тирвал чил-цав,
Мус ахквада чун агатун?
Амачни вахъ ви ширин мез,
Заз ашкъидин лагьай гафар?
Зи хуруда рик1и-рик1 нез,
Мугьман хьухь заз,галаз гатфар.
Акъуд илгьам лап гьуьндуьрдиз,
Теснифдайвал ц1ийи ч1алар.
Акъудмир на зун суьргуьндиз,
Вахце зав на зи шад йикъар.
Дуьнья я им бахт авачир,
К1ани яр завай къакъуддай,
Яр ахквадай вахт авачир,
Квез я дуьнья бахт алугдай!?
Зи к1ани яр туширни вун...
Зи к1ани яр туширни вун...
17.05.2023.
Яр туширни
© Copyright: Нажмудин Шихнабиев 2, 2023
Свидетельство о публикации №123051702105
Свидетельство о публикации №123051702105
Рецензии