Арадавай гьуьл тирт1ани деринди,
Дагьарарни лап гуьт1уьбур, серинди,
Яргъарай хтана вун хуьруьз ширинди,
Вун хтурай, рагъ хтурай, зи азизди.
Къакъатай чун сад садавай йикъарни,
Гьар садакай хьанай дарих йисарни,
Хьанач ваз туьк1уьриз гуьзел ч1аларни,
Зи рик1икай хабар яхъ на,азизди.
Рик1е авай сирер чи сад хьайит1а,
Бахтуни чи ашкъидиз дад гайит1а,
Жедай курвал гьа къе амаз кайит1а,
Бахтлубур я чун виридалай, азизди.
Акьалтайла шад хиял хьиз вун рик1ел,
Экъеч1зава зун ви къаршидиз рекьел,
Ви ширин т1вар даим жезва зи мецел,
Чи кьведан бахт ви гъилева, азизди.
10.05.2023.
Азизди
© Copyright: Нажмудин Шихнабиев 2, 2023
Свидетельство о публикации №123051004041
Свидетельство о публикации №123051004041
Рецензии