Бгощыгъэ угу - о пфикъужьыгъэп!
ЯтIoнэрэ дунэе заом илIыхъужъэу
БатIэкъо Хьазырэт фэгъахьыгъ.
КIуачIэр пфикъугъэп: бгъэшIагъэм
Iофым укIэтэу о пшIагъэ;
Зэо мэшIуаеу щыIагъэм,
Ичэщи имафи плъытагъэ.
ПцашIом зэIитхъырэ лыпкъым,
Иуз о зэу зэхэпшIагъэп,
Пыеу чъэрэ лъэмакъэм,
Ыужы упшъэу уикIыгъэп.
Заом пхъахьы ышIыгъэр,
Уихьылъэу зэбгъэпцIыжьыгъэ:
Мамырэу щыIакIэу яIагъэр,
ЦIыфымэ ябгъэгъотыжьыгъэ.
Ары икъугъэп уикIуачIэ:
Тэщ пае ащ ушъхьасыгъэп;
Гу стырэу илъыгъэр убгъачIэ,
Бгощыгъэ - о пфикъужьыгъэп.
© Copyright: Анатолий Зекох, 2023
Свидетельство о публикации №123050807040
Свидетельство о публикации №123050807040
Рецензии