Наьна шоллаг1а дола дог,
Деттало хьо, телаш йовх1ал,
Хьоца дуненчу 1ехало,
Хичар даькха ц1ена ж1овхар!
Ийса бетта сайца хьо лелдеш,
Набараг1 янна йоккха бийсаш,
Са са да хьог1 даггар хьерчаш,
Ехка аз хьона е байташ!
Ховха дегчу ираз дессар,
Безамца диззар ц1ий лела пхаьнашк,
Са син б1аргаь хьо дайзар,
Хетар из ди боккъонца г1анахь.
Хьа дохь лу аз сай са, нидз а,
Йоаккхаг я наб йоаеш ха,
Дукха да са хьога дувца,
Дуне дизза безам ба!
Халахь мичча бесса гаьна яли,
Хьа оаза сона хозаг я,
Г1айг1а ена ха хьона йоаг1и,
Хьогар из д1аэцаг я.
Къоаламца сай уйлаш ювца,
Могаддац хьона дешаш лах,
Дала денна сона совг1ат,
Хьегийтай 1а дукха хьайг1.
ж1овхар
© Copyright: Эльмира Чемурзиева, 2023
Свидетельство о публикации №123050701652
Свидетельство о публикации №123050701652
Рецензии