Гзаф ава дуьньяда рушарни иер,
Вучиз ят1ан вал алк1ана зи вилер.
И дуьньяда авайди са вун яни?
Зи кьисметдиз атайди са вун яни?
Зи хиялар физва пара деринриз,
Чи уьмуьрдин гьар са хилез, виринриз.
Ни ицит1на рик1ни руьгьни ашукьриз
Анжах са вал зи кайи рик1 ацукьриз.
К1андач дуьнья,рик1ни вун авачирла,
Квез я ашкъи, гьевес вун галачирла,
Са уьмуьр я чаз гузвайди худади,
Рагъ экъеч1на ак1идалди агъади.
Белки гана жед ваз цуькверин к1унч1ар,
За багъишзава ваз гьиссерин к1унч1ар,
Рик1ни ваз я, анжах са ваз к1вал хьайи,
Гьар шиирдин ц1арни са ваз ч1ал хьайи.
И дуьньяда заз авайди са вун я,
Муьгьуьббатди кайибурни са чун я.
Захъ гаф амач ваз лугьудай, азизди,
Ша къаршидиз, зи рик1из вун, азизди.
02.05.2023 й.
Дуьньяда авайди са вун яни
© Copyright: Нажмудин Шихнабиев 2, 2023
Свидетельство о публикации №123050205747
Свидетельство о публикации №123050205747
Рецензии