Нанас кхо шо кхаьчначу берана къежан,
Цхьаъ можий, важа ц1ен ши 1аж белла,
Уллохь 1ачу Дас дехарца д1а а хьаьжан,
Суна цхьаъ лур бацар техьа 1ахь, аьлла.
Цхьана 1ожаха к1анта церг а къовзийна,
Шолг1ачунах а, ша чам баьккхин ваьлча,
Цуьнга, х1ан аьлла, цхьаъ д1акховдийна,
Х1ара бу хьуна мерзох бакъдерриг аьлча.
Цецваьллачу Дас деха мекх, дина хьовза,
Жимчу к1антанна куьг коьртах а хьаькхна,
Ду-кх аьлла вайн Дайш хьехна кица говза,
Бакъдолун хьоза ц1ена шен бенахь декна! (С) 17.04.23.
Ши 1аж
© Copyright: Муса Вольф Айдамиров, 2023
Свидетельство о публикации №123041708184
Свидетельство о публикации №123041708184
Рецензии