***
Веру ў тое, што я дажыву
Да ўваскрэсення права на праўду,
І пабачу яе наяву,
І радок свой для песні напраўлю.
Веру ў тое, што будзе лунаць
Ў паднябессі праўдзівая песня
І не зможа яе затрымаць
Ні імгла, ні смуга паднябесся.
Веру я, што душа ажыве,
Як трава ажывае вясною,
І шчаслівую песню спяе,
Наталіўшыся праўдай жывою.
Веру ў тое, што я дажыву
Да таго, што здавалася б дзівам,
І пабачу яшчэ наяву
Уваскрэсенне песні праўдзівай.
16. 04. 2023 г.
Веру у тое, што я дажыву...
© Copyright: Юрий Боровицкий, 2023
Свидетельство о публикации №123041601529
Свидетельство о публикации №123041601529
Рецензии