Багъишламиш ая, зи яр,
Рик1 хьанвайла пара зи дар,
Акъатна ман залан гафар,
Ачухнай ваз рик1ин дидар.
Вун бейкефун зи хиял туш,
Рик1евайд гьич са амал туш,
Хъелиз вунни са аял туш,
Вун рахазвай зав са ч1ал туш.
И дуьньяда ийин шадвал,
Рик1ерани хьурай салвал,
К1анивилиз чи абадвал,
Руьгьдани аваз савадвал.
Муьгьуьббат туна рик1е,
Бахтунихъ чун гьатин рекье.
Чал пехилбур хьурай хуьре,
Нур чук1урай ачух пеле.
Шехьдач зун, яр, шехьдач гьич мад,
Шехьдач, к1аниди, хъверда ваз...
Рик1е жеда даим аваз,
Муьгьуьббатдин гьиссер къугъваз...
Шехьдач зун
© Copyright: Нажмудин Шихнабиев 2, 2023
Свидетельство о публикации №123041303791
Свидетельство о публикации №123041303791
Рецензии