Хатадай зи хана кефи,
Шехьмир гила, ч1угваз гьайиф.
Чан азизди,зи яр зилфи,
Ийимир заз йикъакай йиф.
Туш зун вакай са к1ус бейкеф,
Ам зи бахт я, тефир вилик.
Гьамиша ви хуьзва тереф,
Садра кьванни рик1из килиг.
Шехьмир гила, чан к1аниди,
Вун акурла, заз къвезва шел.
Ви рик1 михьи я къениди,
Анжах закай къвемир ваз хъел.
Вун акурла, зун жезва шад,
Нагъв алачиз вилерал мад.
Зи уьмуьрдин мурад я сад -
К1анивилин акун чаз дад.
Шехьмир гила
© Copyright: Нажмудин Шихнабиев 2, 2023
Свидетельство о публикации №123041208661
Свидетельство о публикации №123041208661
Рецензии