Дидеди гъвеч1и аял гвай вядеда,
Рекье тунай буба къати женгериз,
Гъалиб хьана,душман тергна, дяведа,
Вири хьиз хтаначир буба кьуьлериз.
Жегьилзамаз рехи хьайи дидеди,
Умуд амаз, хвенай вичин хтулар.
Бубадин т1вар,хьуй лагьана эбеди,
Гайи х(и)цин мягькем я чилел дувулар.
Къе душманар мад вучиз хьанва дили,
Чи бубаяр гъалиб хьанай женгера,
Ислягь халкьар сад хьана, фида вири,
Гъалибвилин мани лугьуз бендера.
Урус, татар,авар, дарги ва лезги-
Миллетар я чун Урусатдин ислягь.
Килиграй хаинар - им я чи гуьзгуь,
Ватанпересар я,квачир са гунагь.
********************************
Берлин, Париж чаз рей гайи,
Урусатдин к1вачик хьайи,
Къе хьанава мад чаз акси,
Са тарс хгуз я чун рази.
Гъалибвилин мани
© Copyright: Нажмудин Шихнабиев 2, 2023
Свидетельство о публикации №123041000176
Свидетельство о публикации №123041000176
Рецензии