***
Дабравешчанне - добрая вестка.
У Марыі народзіцца сын.
Ёй блакітнага неба пралеска
Навявае вясновыя сны.
Ў Назарэце крылаты архангел
Тую вестку Марыі нясе.
Надыходзіць вясёлае ранне,
Абуджае Яе пакрысе.
І схіляецца "новая Ева",
Каб чырвоную пражу падняць...
"І народзіш Ты сына, о, Дзева,
Яго Езусам будзеш Ты зваць..."
І блакітнага неба пралеска
Усміхнулася кветкай вясны.
Дабравешчанне - добрая вестка.
У Марыі народзіцца сын.
07. 04. 2023 г.
Дабравешчанне - добрая вестка...
© Copyright: Юрий Боровицкий, 2023
Свидетельство о публикации №123040703710
Свидетельство о публикации №123040703710
Рецензии