Доца дийцарш 2

1.  Вай ц1ера д1аьхначу хенахь, шайн доьзалш мацал ца балийта,
цхьа шиъ вахана хилла буьйсан йетт лачкъба. Неха божал чу
ваьлча йетт ца бигийта шех муш хьарчийна хьоьвданчу 1уьллуш
казах гина, вист хила а ца воьхуш реза воцуш схьакъерзаш.
Щаьлтанца цуьнан карар муш а хадийна, цхьана къонахчо
шен накъосте : - Хьажалла, хьажалла цуо къерзо и б1аьргаш!
Вайн нохчий шайн б1аьрга ба ма ца беза кхарна! - элира боха. (С)
****************************************
2.  Базаран дийнахь, дуккхачу нахан йуьккъехь хьийзаш волун цхьана
стаге мохь тоьхна шен йезачу машенчуьра схьахьоьжучу цхьана зудчо:
- Хьажахь, х1е-ей, стаг! Хьо 1аббаз вуй?, - аьлла. Стаго:
- Де-ера ву-кх! Вай, хьо мила йуь, суна-м ма ца йоьвза хьо? - хаьттина цуьнга.
- Со де-ера йуь, хьо шиъанчинца цхьаьна каласе итт шарахь пхиъаннаш а
лестош къайлаха хьоьга б1аьрг биттина Товс, - ма аьлла зудчо.
- Ва-а Товс, хьо йац иза-а?! Ма ч1ог1а хаза хета суна хьо гуш! Муха воьвзира
 техьа хьуна со? Ткъе пхиъ шо д1а ма даьлла ишкол вай чекхайаккхина!, - олуш цецваьлла 1аббаз.
- Хьан мокхачу кастомах воьвзира, 1аббаз, кастомах воьвзира! - аьлла, йелайеллира боху зуда. (С)
****************************************