Ийидач за квез гьич икрам,
Зун я ц1ийи ч1ехи кирам,
Дидедин нек тахьуй гьарам,
Туьк1уьрда за квез ц1ийи ч1ал.
Зари, хуьрви,худуж,алам,
Тийижир вуж я а лам,
Гафарганар ийида рам,
Туьк1уьрда за квез ц1ийи ч1ал.
Ватанчи,халкьчи яша хьуй,
Думан,вахил чаз къуша хьуй,
Улуб гвай зун лап къужа хьуй,
Туьк1уьрда за квез ц1ийи ч1ал.
Угърийризни ава чпин ч1ал,
Дугърийрин чуьнуьхдайла мал,
Къанас,сайта лагь, жедач т1ал,
Туьк1уьрда за квез ц1ийи ч1ал.
Урус гафар ишле мийир,
Граматик ч1ал чав кьан тийир,
Алпан ч1ала гуда хийир,
Туьк1уьрда за квез ц1ийи ч1ал.
Хьанват1ани яшар зи бул,
Вахчунвач за гафарин дул,
Ц1ийи ч1алал ч1угвазва къул,
Туьк1уьрзава квез ц1ийи ч1ал...
Гьа ик1 жеда чи лезги ч1ал...
Туьк1уьрда за квез ц1ийи ч1ал
© Copyright: Нажмудин Шихнабиев 2, 2023
Свидетельство о публикации №123040206954
Свидетельство о публикации №123040206954
Рецензии