Ацlурай фу чранай накь,
Зи къуншиди, вижевай.
Кьурай якни кутуна макь,
Чраз мад вичин гъилевай.
Ша,къуншияр,эверна чаз,
Куьн галачиз нез жедай туш.
Ахпа бирдан мад хъверна чаз,
Ша талагьна къвез чидай туш.
И кардални чун хьанвай шад,
Хъуьтlуьн йифер акъудиз мад.
Сад муькуьдал элифиз фад,
Къуншияр чун жеда мад сад.
Мад къведай са гьяддин юкъуз,
Чи кlвале за гьазурда чул.
Кьуьд акъудда гьа икl тухуз,
Мал-девлетни хьурай чахъ бул.
Чна хъуьтlуьн кьуна хьи туьд,
Яргъи йифер куьруь ийиз.
Гьикьван мад фад акъатна кьуьд,
Атанвай чун кьуьзуь ийиз...
Хъуьтlуьн йифер
© Copyright: Марьям Алискерова, 2023
Свидетельство о публикации №123033005351
Свидетельство о публикации №123033005351
Рецензии