Зун са рушав рахадайла,
Хатадай хьиз акъатна яр-
И дуьнья заз авуна дар,
Сура туна,тахьай дак1ар.
Агудна зав мекьер-къаяр,
Рагъ алай къуз къурна зал хар,
Азабрин заз гайила пар,
Зи хиялар хьана тар-мар,
Зав рахайди тир мегъуьн к1ар,
Я жагъанач катдай кк1ар,
Кьил ханат1ан, рик1 хьана т1ар,
Аватайди хьана дагьар,
Винелайни хьана дагълар,
Икьван дели жедани яр,
Аждагьандиз хьана ухшар,
Кьурурна зи мез дилавар,
Ч1урна уьмуьр зи бахтавар,
Вични хьана са жинжин гар,
Ц1ай хкат тийир са хьар,
Юзан тийиз вич гьич са ч1ар,
Яна к1улаз къаргъишрин пар,
Амач адахъ виликан зар,
Акурди туш ихьтин йикъар...
Гьайиф тир хьи и лацу чар,
Кхьиз и кубут ц1арар...
Са рушав рахадайла
© Copyright: Нажмудин Шихнабиев 2, 2023
Свидетельство о публикации №123033005168
Свидетельство о публикации №123033005168
Рецензии